==============
प्रिये, तू अशी साजरी राहते,
न तब्बेत माझी बरी राहते...
असा 'ताप'तो मी तुझ्या संगती,
तव्याशी जशी भाकरी राहते
कळाले मला 'बीपी ' का वाढतो,
तुझी ओढ जी अंतरी राहते
स्मृतीभ्रंश होतो तुला पाहुनी,
तुझे नाव मेंदूवरी राहते
का 'अर्धांगवायू' न व्हावा मला?
'अर्धांगिनी' ना घरी राहते !
'मधुमेह' होतो, कळाले कसा?
मनाशी तुझी माधुरी राहते..
असे व्याधीचे रूप घेवुनीया,
शरीरात माझी 'परी' राहते...!
==============
Taxonomy upgrade extras
- प्रतिसाद देण्यासाठी येण्याची नोंद करा