बाटली

म्हणाली बाटली, "तोंडास त्याच्या वास का येतो"?
सकाळी शेण खाल्ल्याचाच तो आभास का होतो?

जरा पोटात ती गेल्यावरी लाडात का येतो?
चणे, दाणे, मसाले खाउनी तो त्रास का देतो?

गुलाबी, देखण्या, भरल्या रुपावर तो फिदा होतो
जराशी बायकोची याद येता, घास का अडतो?

गटाटा ढोसतो वर पेटते का तीनदा बघतो
झळा त्या सोसते ती बाटली, शाबास, हा म्हणतो?

रिकामी बाटली, कचर्‍यात, भंगारात विकतो तो
खळाळा फोडतो मज बेवडा तो , दास का होतो?

कधी मज ना कळे, बाई, मला ती सवत का म्हणते?
उधारी ठेवतो पेदाड आणि मिजास का करतो?