दारु

दारु ( हज़ल )

नशा आगळी आज मद्यात होती...
अशी धुंद मैफील रंगात होती...

किती पेग आले, किती रिक्त झाले;
जणू काय टाकीच पोटात होती...

कधी 'स्ट्रेट' गेला, कधी 'टॉप' केला;
कधी 'नीट' 'व्हीस्की'च बर्फात होती...

इथे 'वोडका' हा, तिथे ती 'टकीला';
अता 'रेड वाईन' ग्लासात होती...

घड्याळात पाहून बाहेर आलो;
तरी बाटली बाहुपाशात होती...

पुन्हा आज ढोसून आलो घराला;
पुन्हा बायको आज त्वेषात होती...

तिने घातली लाथ माझ्या बुडाला;
शिवीही तिची पूर्ण वाक्यात होती...

पुन्हा झोपलो मी पुराण्या ठिकाणी;
पुन्हा रात माझी, गटारात होती...

- निरज कुलकर्णी.