अंधारातच ओठ बिलगता गालावर पडल्या ज्वाळा
नको तिथे हे नाक करितसे नेहमीच का घोटाळा
उलट रीत जी या जगताची मीच सांगतो ऐक जरा..
धार लाव तू धनुष्यास अन् बाण वाकडे कर बाळा
चोळचोळुनी तेल पावलां थंड राहते डोके, पण..
हात-पाय ते गरम जाहले, त्यांना कुठला द्या चाळा?
घाबरून तो बोलत नाही असे कदाचित नसेलही
थोडे काही बोलण्यासही येतो कुणास कंटाळा
रोज सकाळी नमस्कार त्याला करताना प्रश्न पडे..
पांडुरंग जे नाव तयाचे, का दिसतो पण तो काळा?
चवीचवीने कवी बोलतो गाथा अपुल्या भार्येची
थंड चुलीवर अश्रू भाजुन भरिते कर्माचा थाळा
(एक प्रयत्न)
गझल
- प्रतिसाद देण्यासाठी येण्याची नोंद करा