अंगणी ये कुंतलांना खेळु दे ना वारियावर
गंध झाले शब्द सारे दरवळूदे या नभावर
एकटा नाही तुला मी पाहण्या आतूर झालो
चांदण्या लेऊन झाला चंद्र केव्हाचा अनावर
बाग होती वेल होती पण बहर नव्हतेच येथे
ही फुले उमलून आली काल तुजला पाहिल्यावर
आज मी गाईन तुजला पाहिजे ते सांजगाणे
दाद तू देशील का पण शब्द सारे संपल्यावर?
मी घडीभर बोललेलो आसवांशी सांत्वनाचे
बोल माझे घेतले भलतेच दु:खानी मनावर
- ह्.बा.शिंदे
गझल
- प्रतिसाद देण्यासाठी येण्याची नोंद करा