गुंजते कानात हाळी...

गुंजते कानात हाळी... नेहमीची
आठवांची ही भूपाळी... नेहमीची

दिवसभर हा चेहरा हसराच असतो
आसवांची रात्रपाळी...नेहमीची

सुख मला सोडून जाते, दु:ख नाही
वाट ही माझी निराळी... नेहमीची

भोवताली, ठाण मांडुन बैसलेली
यातनांची मांदियाळी...नेहमीची

पिंपळाचे पान... हे आयुष्य माझे
तू उगा जपतेस जाळी...नेहमीची

उधळुनी अंधार जनतेच्या नशीबी
राज्यकर्त्यांची दिवाळी...नेहमीची

वेदनेवरची झटकतो राख माझ्या
म्हणुन गझलेला झळाळी... नेहमीची

- जनार्दन केशव म्हात्रे
२/ खलिफा निवास, गांधी नगर, जुना बेलापूर रोड,
कळवा-ठाणे ४००६०५.  भ्रमणध्वनी: ९३२३५५५६८८