काही नवीन सुट्टे शेरः

काही नवीन सुट्टे शेरः
================================

सुगंध शोधत असताना हे समजत नव्हते मला कधी
चाफ्याच्या वरताण घमघमे एक मोगरा घरामधे
=================================

कातरवेळी उदास वाटत असणे
सर्व ठीक असण्याचे लक्षण असते
=================================

ओसाड व्हायच्या आधी माझी हिरवळ
कुठल्या पाण्यावर तगली हेच स्मरेना
=================================

विस्मरलेले कोणी कोणी भेटत आहे
कधी किती कोणाचा होतो समजत आहे
=================================

शेवटी केले स्वतःला माफ मी
शेवटी केलेच मन हे साफ मी
=================================

लुटले जाताना ही चिंता होती
लुटणार्‍याला पचेल ना ही दौलत?
=================================

रोज सकाळी कबूतरांना दाणे, पाणी देतो
तेव्हा कोठे फुकट खायचे धाडस अंगी येते
=================================

त्या डोहाचा गाळ नको उपसूस कधीही
मदतीसाठी आक्रोशत बुडलेत कितीजण
=================================

सगळ्यांना समजत होते की फेकत होते सगळे
फक्त तसे म्हणण्याचे धोके टाळत होते सगळे
=================================

तुझी ती भरजरी साडी विसंगत वाटणारच ना
मुलाचे प्रेत जर ताब्यात घेण्या जायचे होते
=================================

-'बेफिकीर'!