कोठली ही हवा माझ्या घरी येत आहे?
आज ओढून तुजपाशी मला नेत आहे
तू मला प्रश्न नाही घातले - पण तरीही
मी कशाला उगीचच उत्तरे देत आहे?
का तुला लाभतो आराम ऊन्हात माझ्या?
कोणता रे तुला हा ताप छायेत आहे?
हा दिपस्तंभ का करतो दिशाभूल माझी?
सांग त्याला - 'कुणी अस्वस्थ नावेत आहे'
काल कॉलेजला तर जायला तू निघाली
मग कशी आजही माझ्याच शाळेत आहे?
का पुन्हा तू अशी आलीस सोडून सारे?
आज माझा जगायाचा कुठे बेत आहे?
गझल
- प्रतिसाद देण्यासाठी येण्याची नोंद करा