गझल

......................................
...वजन एखादे नवे !
......................................

दुःख तू केलेस कोठे सहन एखादे नवे ?
सांग ना तुज का सुचावे कवन एखादे नवे ?

या जुन्या आकाशगंगा; चंद्र-तारेही जुने...
शोधतो आता मला मी गगन एखादे नवे !

झिंग एखादी अशी की, जी कधी उतरू नये...
पाहिजे माझ्या मनाला व्यसन एखादे नवे

या संकेतस्थळावर पहिल्यांदाच गझल टाकण्याचं धाडस करतेय. गुरुजींनी सांभाळून घावं :)

तू

तुझे स्वप्न माझ्याच स्वप्नात होते
तसे सोबतीच्या करारात होते

नको ना अता त्या निशेची प्रतिक्षा
तुझ्या मुक्त केसातही रात होते

पुन्हा जाग आली सुन्या मैफ़लीला
तुझे दाद देणे अकस्मात होते

नसावे नशीबात घायाळ होणे
तुझे तीर सारे पहा-यात

कान्हा,पुरे,सारी पहा मी रंगली
माझी,अरे,बघ सावलीही रंगली!

मिळतात कोठे रंग हे गहिरे तुला?
आत्म्यासवे ज्यांनी तनू ही रंगली!

हे भाळ,ते आभाळ, झाले रे निळे
गोकुळ निळे,यमुना निळी ती रंगली!

ते सूर साती नादती प्राणातुनी
अन् बासरी 'अनुराग' रागी रंगली!

हा जन्म केवळ रंगण्या रासात ह्या!
एकेक राधा नर्तनी 'श्री'रंगली!

----------------------------------------------

पांघरायला विस्मरणांची झूल नको आता!
आठवायला काटे पुष्कळ! फूल नको आता

हवे करीअर, हवे प्रमोशन्, माडी अन् गाडी
हवी 'मजा' प्रणयातसुधा, पण मूल नको आता

मिटक्या मारत गिळून घेताना ओव्हनमधले,
मऊभात, भाकरी ...?... धूर अन् चूल नको आता

लपाछपीचे खेळ पुरेसे झाले, हे मृत्यो,
पुढ्यात ये जर असेल हिंमत! हूल

 

ही झाडे पेटवली कोणी
अनाथ केले पक्शी कोणी

तळ डोहाचा निरखत होतो
गढूळ केले पाणी कोणी

कुणी अशी माकडे निवडली
दिली तया॑ना पोथी कोणी  

तो हिटलर आहे तर राहो
मीही नाही गा॑धी  कोणी

ज्यावर होते आग्यामोहळ
फा॑दी तीच झटकली कोणी

मला सारखे जाणवते हे
आहे माझ्या पाठी कोणी

असला

रोज बसतो त्याच फुटलेल्या दिव्याशी रात्रभर
तो न जाणे काय बडबडतो नभाशी रात्रभर

ताप प्रश्नांचा असा चढतोच आहे सारखा
एकही उत्तर बसेना का उशाशी...रात्रभर

तो असावा चतुर किंवा गंजला हा आकडा
खेळुनी उंदीर गेला सापळ्याशी रात्रभर

खंगलेल्या चेहर्‍यावर वेडसर झुलते हसू
झुंज घेते स्वप्न त्याच्या वास्तवाशी रात्रभर

एक आठी जागते आहे कपाळावर तिच्या

=================

जीवनात  तो  मधाळ  रंग  मागतो,
आजही  मिठी  तशीच  तंग  मागतो..

आजकाल  फार  शांत  वाटते  म्हणे,
हालचाल  ती  जुनी  पलंग  मागतो !

मागतो  कुठे  सरोवरास  मी  तुझ्या?
माझियामुळे  तिथे  तरंग  मागतो..

आठवेल  जो  तुला  सदैव  जीवनी,
आपल्यामधे  असा  प्रसंग  मागतो..

"बंध  पाठचे  कधी  तुटायला  नको.."
मागणे  नभास  हे  पतंग  मागतो

.....................................
आठवणीला येई डुलकी...!
.....................................

कधी लागतो ठसका़; उचकी कधी कधी !
तुझी आठवण येते इतकी कधी कधी !

सावध असतो तरी फसवते कशी मला -
- तुझी धोरणी ही आपुलकी कधी कधी !

कधी जगाचा सरळपणाही जोखावा !
चाल करावी मध्येच तिरकी कधी कधी !! 

नको सुखांचा मुसळधार पाऊस

कसा आज अंधारही सोसवेना
मला आज तो चेहराही छळेना
 
कितीदा मनाला दटावून झाले
दिलासा दिला, ते तरीही हसेना
 
नसे खास दुष्यंत हा ओळखीचा
तुझी अंगठी आज मागून घे ना
 
तुझ्या हासण्याने कळाली खुशाली
असे हास्य खोटे मला का जमेना ?
 
कसे पाठवू मी असे शब्द साधे ?
"निरोपा"स का मायना सापडेना ?

वागणे चुकले असावे
बोलणे चुकले असावे

पोचलो येथे कसा मी?
चालणे चुकले असावे

आज कां होकार आला?
मागणे चुकले असावे

"अंतरे मिटलीच सारी"
मानणे चुकले असावे

ती सदिच्छा भेट होती!
गुंतणे चुकले असावे

गाव माझाही उजळला?
चांदणे चुकले असावे!

तो म्हणे सर्वत्र आहे
शोधणे चुकले असावे

(जयन्ता५२)